Buldozerdəki qız

Cəsarətli və çılğın Hye-yon tez-tez çətin vəziyyətlərə düşür. O, atası və kiçik bacı-qardaşı ilə birlikdə yaşayır. Bir gün atası ağır qəzaya uğrayıb xəstəxanaya düşür, ailəyə məxsus restoran isə qəfildən başqa şəxslərin nəzarətinə keçir.

Polisdən heç bir kömək gözləməyən Hye-yon baş verənləri özü araşdırmaq qərarına gəlir. «Buldojeoe tan sonyeo» filmi atasının qəzasının arxasındakı həqiqəti tapmağa çalışan gənc qızın mübarizəsindən bəhs edir.

Cənubi Koreya istehsalı olan dram filminin rejissoru Pak İ-undur. 2021-ci ildə ekranlara çıxan ekran əsərində baş rolları Çhve Von, Yan So-min, Pak Hyok-kvon və Han Çhor-u canlandırıb.