Nea

Varlı ailədən olan gənc Sibilla çətin xasiyyəti ucbatından tez-tez yerli kitab mağazasından oğurluq edir. Növbəti dəfə mağazanın gənc sahibi Aksel onu yaxalayır. Bu hadisə onların tanışlığına səbəb olur və qısa müddət sonra gənc oğlan ona aşiq olur.

Aksel qızın erotik romanlar yazmaq sahəsində böyük istedada malik olduğunu öyrənir. Onun köməyi ilə təxəllüs altında çap edilən ilk kitab gözlənilmədən böyük populyarlıq qazanır. Lakin qəhrəmanların sevgisi getdikcə dramatik bir xarakter almağa başlayır.

1976-cı ildə ekranlara çıxan «Nea» dramı Fransa və Almaniya (AFR) kinematoqrafçılarının birgə istehsalıdır. Filmin rejissoru Nelli Kaplan, baş rol ifaçıları isə Sami Fre, Haynts Bennent, Robert Fraytaq və Lize Ramudur.