Alibi

Rey Elliot sevgililərindən və ya həyat yoldaşlarından gizli vaxt keçirmək istəyən insanlar üçün xüsusi bəhanələr xidməti təşkil edir. Onun qurduğu sistem sayəsində müştərilər ailələrinə yalan danışaraq arxayın şəkildə istirahət edə bilirlər.

Lakin şirkətin ən varlı müştərisinin ərköyün oğlu hər şeyi qarışdırır. Gənc oğlan öz toyuna az qalmış gələcək həyat yoldaşı ilə deyil, başqa bir qadınla əylənmək qərarına gəlir və gözlənilməz çətinliklər yaradır.

ABŞ və Niderlandın birgə istehsalı olan «The Alibi» filmi Kurt Mattila və Mett Çekovski tərəfindən lentə alınıb. 2004-cü il ekran işində rolları Hezer Storm, Selma Bler, Henri Rollins və Debi Meyzar ifa edirlər.