Rok dalğası

Ötən əsrin altmışıncı illərində Britaniyanın rəsmi dövlət radiosu populyar musiqiyə həftədə cəmi iki saat vaxt ayırırdı. Mövcud qadağaları aşmaq istəyən bir qrup həvəskar dicey Şimal dənizində üzən gəminin göyərtəsində öz gizli radio verilişlərini qurmaq qərarına gəlir.

«The Boat That Rocked» filmi bu dəniz qulduru radiosunun heyətinin gündəlik həyatından bəhs edir. Hər cür qadağaya rəğmən dalğalara rok musiqisi yayan komanda dinləyicilərə xitab edir və onları susdurmaq istəyən rəsmi qurumların təzyiqləri ilə üz-üzə qalır.

2009-cu ildə çəkilmiş musiqili komediya-dram janrındakı filmin rejissoru Riçard Körtisdir. Böyük Britaniya, ABŞ, Almaniya və Fransanın ortaq istehsalı olan ekran əsərində Tom Störric, Bill Nayi, Filip Seymur Hoffman və Ris İvans rol alıblar.