İdeal ailə

Böyük bir nəslin nümayəndələri nənə və babanın qızıl toyunu qeyd etmək üçün təcrid olunmuş adadakı dəbdəbəli malikanəyə toplaşırlar. Təntənəli ziyafət başa çatdıqdan sonra qonaqlar evlərinə qayıtmağa hazırlaşır. Lakin qəfil pisləşən hava şəraiti bütün planları alt-üst edir və heç kim adanı tərk edə bilmir.

Məcburi şəkildə eyni məkanda qalan qohumlar arasında gərginlik getdikcə artır. İllərdir gizlədilən sirlər, daxili narazılıqlar və köhnə incikliklər bir-bir üzə çıxmağa başlayır. İlk baxışdan mehriban görünən ailə bağları ciddi sınaqla üz-üzə qalır.

İtaliya istehsalı olan «A casa tutti bene» filmi 2018-ci ildə rejissor Qabriele Muççino tərəfindən çəkilib. Komediya və dram janrlarını birləşdirən ekran əsərində baş rolları Stefano Akkorsi, Karolina Kreşentini, Massimo Qini və Yelena Kuççi canlandırıblar.