Trotski

Məktəbli Leon Bronşteyn cəmiyyətdəki solçu hərəkatların tarixini dərindən araşdırır və özünün məşhur inqilabçının reinkarnasiyası olduğuna inanır. O, nəzəriyyədə qalmır və dərhal işə keçir. Gənc oğlan ilk növbədə uğurlu iş adamı olan atasının fabrikindəki fəhlələri etiraza və üsyana səsləyir.

Oğlunun bu hərəkətindən qəzəblənən ata cəza olaraq onu adi dövlət məktəbinə göndərir. Lakin yeni mühit də Leonun inqilabi həvəsini boğa bilmir. O, yeni məktəbində də boş oturmur və ictimai fəaliyyətini daha böyük əzmlə davam etdirir.

Kanada istehsalı olan bu komediya və dram filmi «Trotski» rejissor Ceykob Tirni tərəfindən lentə alınıb və 2009-cu ildə çıxıb. Əsas rollarda Cessi Kamaço, Ancela Qaluppo, Tommi-Ember Piri və Cessika Pare çəkiliblər.