Apokalipsis: Həvari İohannın Vəhyi

Bizim eranın 90-cı ilində Roma imperatoru Domisian özünü tanrı elan edir və bu hökmü qəbul etməyən məsihiləri dövlətin düşməni sayır. Həmin vaxt Patmos adasında gizli ad altında sürgün həyatı yaşayan yaşlı həvari İohann dünyanın sonu haqqında ilahi vəhylər alır.

İrina adlı gənc qadın İsanın son şahidini görmək ümidi ilə gizlicə adaya yollanır. İohann qələmə aldığı mətni digər dindarlara çatdırmaq üçün ona etibar edir. Lakin İrina sevgilisi Valerinin Roma ordusu komandanının oğlu olduğunu və həvarini tapmaq tapşırığı aldığını bilmir.

«San Giovanni: L'Apocalisse» dram filmi rejissor Raffaele Mertes tərəfindən lentə alınıb. Layihə ABŞ, Böyük Britaniya, Almaniya, Fransa, İtaliya, Niderland və Çexiyanın birgə istehsalıdır. Əsas rolları Riçard Harris, Karlo Qreko, Aleks MakSuini və Brüs Peyn canlandırıblar.