Kralın həyatı

Silahlı soyğuna görə aldığı on yeddi illik həbs cəzasını başa vuran Yucin Braun azadlığa qovuşur. Pulu və yaxın dostları olmayan keçmiş məhbus, intizamsız şagirdlərin oxuduğu yerli məktəblərdən birində xadimə kimi iş tapır.

Bir gün məktəb rəhbərliyi ondan dərslərdən sonra qalan çətin yeniyetmələrə nəzarət etməyi xahiş edir. Şagirdləri sakitləşdirmək və faydalı bir işə yönəltmək üçün Yucin onlara şahmat oynamağı öyrətməyə başlayır. Keçmiş kriminal həyatı yenidən qarşısına çıxsa da, o, həm lövhə arxasında, həm də gerçək dünyada hər addımdan əvvəl düşünməyin vacibliyini unutmamağa çalışır.

ABŞ istehsalı olan «Life of a King» dram filmi 2013-cü ildə ekranlara çıxıb. Rejissor Ceyk Qoldbergerin çəkdiyi layihədə baş rolları Kyuba Qudinq kiçik, Dennis Heysbert, Corc Dik və Tyourston Hill ifa ediblər.