Konformist

Cəmiyyətin qaydalarına boyun əymək və hamı kimi yaşamaq bəzən ən asan yol təsiri bağışlayır. Lakin idarəçilik cinayətkar rejimin əlinə keçdikdə, dövlətə itaət etmək fərdin özünü də ağır cinayətlərin iştirakçısına çevirir. Doktor Marçello Kleriçi məhz belə bir ziddiyyətli vəziyyətlə üz-üzə qalır.

Faşist hakimiyyəti tərəfindən ona Fransaya yollanmaq əmri verilir. Kleriçinin məqsədi mövcud rejimə qarşı çıxan və mühacirətdə yaşayan italiyalı anti-faşist professorun aradan qaldırılmasını təşkil etməkdir.

«Il conformista» dram filmi 1970-ci ildə rejissor Bernardo Bertoluççi tərəfindən ekranlaşdırılıb. İtaliya, Fransa və AFR istehsalı olan bu ekran əsərində baş rolları Jan-Lui Trentinyan, Stefaniya Sandrelli, Entso Taraşo və Dominik Sanda canlandırıblar.