Göyərçinlər evi

Dul qalmış Aleksandra məktəbli qızı Sandra ilə birlikdə İspaniyanın cənubundakı dəbdəbəli bir villada sakit ömür sürür. Qadının keçmiş nişanlısı Fernandonun qəfil qayıdışı unudulmuş hissləri yenidən alovlandırır. Lakin Aleksandra kişinin var-dövlət naminə yaşlı və zəngin bir qadınla münasibətdə olduğunu öyrəndikdə onunla bütün bağlarını qəti şəkildə qoparır.

Bu qərardan qəzəblənən Fernando qisas almaq niyyətinə düşür. O, anasından əvəz çıxmaq üçün heç bir şeydən xəbəri olmayan gənc Sandranı aldadaraq yoldan çıxarır və ailənin həyatını tamamilə alt-üst edir.

«La casa de las palomas» dram filmi 1971-ci ildə İspaniya və İtaliya kinematoqrafçılarının birgə əməyi sayəsində ekranlara çıxıb. Rejissor Klaudio Gerinin çəkdiyi bu lentdə əsas rolları Katerina Boratto, Luçiya Boze, Luis Davila və Fernando Sançes Polak canlandırıblar.