Qəddar insanlar

Fizioterapevt Liz ərindən ayrılandan sonra oğlu Finni təkbaşına böyüdür. Yeniyetmə oğlan isə amansız adətləri ilə tanınan vəhşi qəbiləni tədqiq edən antropoloq atasını unutmur. Liz övladı ilə daha çox vaxt keçirmək və mühiti dəyişmək qərarına gələrək varlı milyonçu Osbornun şəxsi həkimi işini qəbul edir.

Ana və oğul imkanlı xəstənin dəbdəbəli malikanəsinə köçürlər. Lakin yeni məkanda dinc və qayğısız günlər uzun çəkmir və onların sakit həyatı tezliklə alt-üst olur.

ABŞ və Kanada istehsalı olan «Fierce People» dramatik trilleri 2005-ci ildə ekranlara çıxıb. Filmin rejissoru Qriffin Danndır, əsas rolları isə Tiç Qrant, Elizabet Perkins, Donald Sazerlend və Kris Şilds canlandırıblar.