Ən Möhtəşəm Gün

Şöhrətpərəst pianoçu Andi və gününü yaşayan Benno tamamilə fərqli insanlardır, lakin onların ortaq bir cəhəti var: hər ikisi ölümcül xəstədir və son günlərini yaşayır. Xospis divarları arasında ömrü başa vurmaq istəməyən bu iki nəfər həyatlarının ən gözəl gününü keçirmək qərarına gəlir. Bankdan fırıldaq yolu ilə pul əldə edən yoldaşlar birlikdə Afrikaya yola düşürlər.

Uzaq qitəyə səyahət hər iki xəstə üçün ciddi sınağa çevrilir. Bu təhlükəli yolda onlar həm gülməli, həm də kədərli anlarla qarşılaşır, qəhrəmanlardan biri isə illər sonra öz keçmişi ilə üz-üzə qalır. Başlarına gələn hadisələr vasitəsilə onlar axtardıqları həmin möhtəşəm günü yaşayır və hər kəsin öz taleyini özü yazdığını dərk edirlər.

«Der geilste Tag» filmi 2016-cı ildə Almaniyada lentə alınıb. Komediya və dram janrındakı ekran əsərinin rejissoru Florian David Fitrdir, baş rollarda isə Mattias Şvayqhöfer, Karl Fridrix, Dominika Yablonska və Kerolayn Repp çəkiliblər.