Kral dayəsi

MI5 kəşfiyyatının əməkdaşı Kler Çempion Milad bayramı ərəfəsində xüsusi bir tapşırıq alır. O, dayə qismində saraya daxil olaraq monarx ailəsinin təhlükəsizliyini qorumalıdır. Ailə mühitindən uzaq böyüyən Kleri saray qaydalarına hazırlamaq isə «Qorxunc Poppins» ləqəbli miss Lendsberiyə tapşırılır.

Şahzadə Robert və şahzadə Ell yeni dayəni evdən uzaqlaşdırmağa çalışsalar da, Kler qısa müddətdə onların etimadını qazanır. Tezliklə xüsusi agent ilə şahzadə Kolin arasında romantik yaxınlaşma yaranır. Lakin həmin vaxt xüsusi xidmət orqanları Kolinin krallığa qarşı hazırlanan sui-qəsddə əli olduğundan şübhələnir.

«The Royal Nanny» filmi ABŞ, Kanada və Belçika kinematoqrafçıları tərəfindən birgə çəkilib. 2022-ci ildə ekranlara çıxan melodram və komediya janrlı layihənin rejissoru Conatan Raytdır. Baş rolları Robbi Nok, Keti Şeridan, Martin Svabi və Den Cinnott canlandırıblar.