Sərçə

Honkonq jarqonunda cibgirləri «sərçə» adlandırırlar. Key məhz bu işin peşəkarıdır və üç ortağı ilə birlikdə küçələrdə yoldan ötənlərin pul kisələrini oğurlayaraq dolanır. Asan qazanc ona bəs edir, boş vaxtlarında isə velosiped sürüb ətrafı fotoaparatla çəkməyi sevir. Günlərin bir günü onun qarşısına Çun Ley adlı qadın çıxır və oğrunun diqqətini dərhal özünə cəlb edir.

Çox keçmir ki, dəstənin digər üç üzvü də bu gözəl qadına vurulur. Hər kəsin rəğbətini qazanan Çun Ley əsl niyyətini gizlətmir və onlardan xüsusi əhəmiyyət daşıyan bir açarı oğurlamağı xahiş edir. Əvvəlcə tapşırıq təcrübəli cibgirlərə olduqca sadə görünür. Lakin sonradan məlum olur ki, bu iş onları güclü və nüfuzlu maqnat cənab Yenin maraqları ilə qarşı-qarşıya qoyur.

«Sərçə» filmi 2008-ci ildə Honkonqda rejissor Conni To tərəfindən çəkilib. Ekran əsərində baş rolları Tenq Tai Vo, Qonq Lo, Conatan Yat-Sinq Li və Pui Çunq Tonq ifa ediblər.