Eksperiment

Bir qrup alim insan psixologiyasını öyrənmək üçün qeyri-adi bir tədqiqata başlayır. Bu sınaqda iştirak etməyə razılıq verən iyirmi altı sadə vətəndaş prosesin əyləncəli keçəcəyini düşünür. Könüllülər iki qrupa bölünərək dəmir barmaqlıqlar arxasında yerləşdirilir: bir qisim məhbus, digərləri isə nəzarətçi rolunu icra edir.

Qapalı mühitdəki sərt qaydalar iştirakçıların davranışına dərhal təsir göstərir. Əvvəlcə zərərsiz görünən bu sınaq qısa müddətdə nəzarətdən çıxır və adi bir zarafat belə insanları dəlilik həddinə çatdırır. İki tərəf arasındakı gərginlik addım-addım qanlı toqquşmaya doğru irəliləyir.

2010-cu ildə ABŞ-da istehsal olunmuş «The Experiment» filminin rejissoru Pol Şoyrinqdir. Psixoloji triller janrında çəkilən ekran əsərində Rori Markem, Cek Mişler, Ceyson Lyu və Mayk Barqin rol alıb.