Fantomlar

Ədəbiyyat müəllimi olmuş Hamid Suriyadakı Saydnaya həbsxanasında dəhşətli işgəncələrə məruz qaldıqdan sonra Avropaya sığınır. O, burada gizlənən suriyalı hərbi cinayətkarları aşkar etməyə çalışan gizli həmyerlilər təşkilatına qoşulur. Aldığı növbəti məlumat Hamidi Fransanın Strasburq şəhərinə aparır.

Şübhəli şəxs Fransada saxta kimliklə yaşayır. Cəlladının üzünü heç vaxt görməyən Hamid onu yalnız səsi və qoxusu ilə xatırlayır. Məhz buna görə o, hədəfini addım-addım izləməyə və hər bir xırdalığı yoxlamağa məcbur olur.

2024-cü ildə ekranlara çıxan «Les fantômes» filminin rejissoru Jonathan Milletdir. Fransa, Almaniya və Belçikanın birgə istehsalı olan bu dramatik trillerdə baş rolları Shafiqa El Till, Mohammad Saboor Rasooli, Faisal Alia və Mudar Ramadan canlandırıblar.