Kral oyunu

Hadisələr 1938-ci ildə Vyanada cərəyan edir. Hüquqşünas Yozef Bartok Avstriyanın nasistlər tərəfindən tutulmasından sonra həyat yoldaşı ilə birlikdə ölkədən qaçmaq qərarına gəlir. Lakin gestapo tərəfindən həbs edilməsi onun bu planlarını yarımçıq qoyur.

Müştəriləri barədə məxfi məlumatları verməkdən imtina edən hüquqşünası təcridxanaya salaraq xarici aləmlə bütün əlaqələrini kəsirlər. Nəzarətçilərdən gizlicə götürdüyü şahmat kitabı onun üçün yeganə çıxış yoluna çevrilir. Lakin bu lövhə oyununa olan maraq zaman keçdikcə təhlükəli bir aludəçilik halını alır.

«Kral oyunu» (Schachnovelle) filmi 2021-ci ildə Almaniya və Avstriya kinematoqrafçıları tərəfindən lentə alınıb. Triller və dram janrında çəkilən filmin rejissoru Filipp Ştöltsldir. Əsas rolları Yoel Basman, Erik Bauver, Aleksandr Kuon və Paul Matiç canlandırıblar.