Qara qar

Həbsdən çıxan iyirmi dörd yaşlı Li Xueytsuan Den Syaopinin iqtisadi islahatları dövründə Pekində yeni həyata başlamaq qərarına gəlir. Dürüst, lakin sadəlövh və azsavadlı olan gənc küçə ticarətinə üz tutur. Çox keçmir ki, o, bu sahənin də keçmişdə qoymaq istədiyi cinayətkar aləmlə sıx bağlı olduğunu görür.

İnsanlardan anlayış və səmimiyyət gözləyən Linin münasibətləri getdikcə dalana dirənir. Problemlərdən uzaqlaşmaq üçün o, yeganə çıxış yolunu spirtli içkilərdə tapır. Gecələr Pekinin qaranlıq döngələrində sərxoş və tənha gəzən qəhrəman soyğunçuların hədəfinə çevrilmək və quldur bıçağı ilə üzləşmək təhlükəsi ilə qarşılaşır.

«Qara qar» (Ben ming nian) dram filmi 1990-cı ildə Çində istehsal olunub. Ekran əsərinin rejissoru Fey Sedir. Əsas rolları Tsyan Ven, Tsay Xunssyan, Li Qen və Nan Li ifa ediblər.