Fəxri vətəndaş

Ədəbiyyat üzrə Nobel mükafatı laureatı Daniel Mantovani gənclik illərində Argentinadan ayrılaraq uzun müddətdir Avropada yaşayır. Şöhrətdən doymuş və kifayət qədər acıdilli olan yazıçı dünyanın ən nüfuzlu yerlərindən gələn çıxış təkliflərini ardıcıl olaraq rədd edir. Lakin doğulub böyüdüyü Salas şəhərciyindən gələn məktub hər şeyi dəyişir. Həmyerliləri ona fəxri vətəndaş statusu təklif edirlər və qəfil nostalji hissinə qapılan yazıçı illər sonra vətəninə qayıtmaq qərarı verir.

Doğma şəhər məşhur yazıçını qəribə və az qala qrotesk təmtəraqla qarşılayır. İlk baxışdan səmimi görünən bu qonaqpərvərlik getdikcə məzmununu dəyişir. Zaman keçdikcə Salasda qalmaq Daniel üçün gözləniləndən daha narahatedici və soyuq bir təcrübəyə çevrilir.

İspaniya və Argentina istehsalı olan «El ciudadano ilustre» dram və komediya janrlarını birləşdirir. 2015-ci ildə ekranlara çıxan filmin rejissorları Mariano Kon və Qaston Düpradır. Əsas rollarda Manuel Visente, Andrea Fridjerio, Nestor Kanilya və Euxenio Skopel çıxış edirlər.