The Pillow Book

Naqiko hələ uşaq vaxtlarından kalliqrafiya sənətinə və Sey Şonaqonun əsərinə böyük maraq göstərir. Zalım ərinin zülmündən qaçan qadın həyatını ədəbiyyata, sərbəstliyə və kişi bədənləri üzərində yazı yazmaq sənətini inkişaf etdirməyə həsr edir. O, bu qeyri-adi yaradıcılıq üçün özünə yeni modellər və sevgililər axtarır.

İngilis sevgilisi Cerom Naqikonu kişi bədənlərini kağız kimi istifadə edərək kitablar yaratmağa sövq edir. Gənc oğlanın məsləhəti ilə qadın vicdansız naşirindən intiqam almaq üçün xüsusi plan qurur. O, həmin şəxsə üzərində yazılar olan on üç sevgilisinin bədənini göndərir və bu silsilənin sonuncusu Ölüm Kitabı olur.

1995-ci ildə ekranlara çıxan «The Pillow Book» filminin rejissoru Piter Qrinueydir. Dram janrında çəkilmiş ekran əsəri Böyük Britaniya, Fransa, Niderland və Lüksemburqun ortaq istehsalıdır. Əsas rolları Vivian U, Ken Mitsuishi, Kris Birn və Vu Vey canlandırıblar.