Sükut

Pensilvaniyada qədim mağaranı tədqiq edən mütəxəssislər yerin altından qanadlı yırtıcıların çıxmasına səbəb olurlar. Yarasalara bənzəyən bu qaniçən varlıqlar kordur, lakin ətrafdakı səsləri aydın eşidərək hərəkət edirlər. Onlar istənilən səs-küyə dərhal reaksiya verib qurbanlarına hücum çəkirlər.

Sürətlə çoxalan canlılar qısa müddətdə Şimali Amerikanın hər tərəfinə yayılır. İnsan sivilizasiyası dağılmağa başlayır və xaos hər yeri bürüyür. Sağ qalmaq istəyənlər səssiz davranmalı və canavarların diqqətini çəkməməlidirlər.

2019-cu ildə təqdim edilmiş «The Silence» filminin rejissoru Con R. Leonettidir. ABŞ və Almaniyanın birgə istehsalı olan bu qorxu və triller janrlı ekran əsərində baş rolları Kirnan Şipka, Stenli Tuççi, Teylor Lav və Con Korbett ifa edirlər.