C.R.A.Z.Y.

Zaxari Bolye 1960-cı ilin Milad günündə beş oğlan böyüdən bir ailənin dördüncü övladı olaraq dünyaya gəlir. Uşağın ilk illəri mehriban ananın qayğısı və oğulları ilə qürur duyan bir qədər sərt atanın əhatəsində keçir. Eyni gündə qeyd olunan doğum günü və bayram şənlikləri həmişə atanın Şarl Aznavur mahnılarını oxuması və birlikdə sevimli qəlyanaltıxanaya səfərlərlə yadda qalır.

Lakin Zakin böyüməsi və daxili dəyişiklikləri zaman keçdikcə atasının narazılığı və rəddi ilə qarşılaşır. Qardaşlar arasında «The Rolling Stones» musiqisi altında baş verən davalar, «Pink Floyd» sədaları altında yaşanan ilk yaxınlıq, təhlükəli motosiklet yürüşləri və narkotik təcrübələri gəncin həyatını bürüyür. Atası ilə dil tapmaq və özünü dərk etmək istəyən gənc nəhayət Qüdsə yollanır.

«C.R.A.Z.Y.» filmi 2005-ci ildə rejissor Jan-Mark Valle tərəfindən dram və komediya janrlarında çəkilib. Kanada, Fransa və Mərakeşin birgə istehsalı olan layihədə baş rolları Jan-Aleksandr Leturno, Qabriel Lalansyet, Alin Xuper və Əziz Attab canlandırır.