Arzular otağı

Keyt və Mett adlı gənc cütlük şəhərdən uzaqda yerləşən köhnə bir malikanəyə köçür. Evdə təmir işləri apararkən onlar divarın arxasında gizlədilmiş qeyri-adi bir otaq aşkar edirlər. Çox keçmir ki, bu məkanın insan ağlına gələn istənilən arzunu anında gerçəkləşdirmək gücünə malik olduğu üzə çıxır.

Əvvəlcə qəhrəmanlar külli miqdarda pul, məşhur rəsm əsərləri və bahalı zinət əşyaları tələb edərək istədikləri hər şeyi əldə edirlər. Lakin maddi zənginliklərdən doyan Keyt otaqdan çoxdan arzuladığı övladı bəxş etməsini istəyir və bu addımın doğuracağı nəticələri əvvəlcədən təxmin edə bilmir.

«The Room» adlı fantastik triller filmi rejissor Kristian Volkman tərəfindən çəkilib. Fransa, Belçika və Lüksemburqun birgə istehsalı olan bu ekran əsəri 2018-ci ildə nümayiş olunub. Əsas rolları Kevin Yanssens, Olivye Bisbak, Jan-Lui Sbiy və Kerol Ueyers canlandırırlar.