Nəfəsini saxla

Hadisələr 1933-cü ildə Böyük böhran dövründə Oklahoma torpaqlarında cərəyan edir. İki qızı ilə tək qalan ana amansız toz fırtınaları arasında dolanmağa çalışır. Onlar qatara bilet almaq üçün uzaqda iş axtaran ailə başçısının göndərəcəyi pulu səbirsizliklə gözləyirlər.

Balaca qız toz vasitəsilə bədənə girib insan ağlını ələ keçirən boz adam haqqında qorxulu kitab oxuyur. Qadın bu əhvalata heç bir əhəmiyyət verməsə də, günlərin birində təsərrüfat anbarında gizlənən şübhəli bir yad adamla qarşılaşır.

ABŞ istehsalı olan «Hold Your Breath» dram və triller janrında çəkilib. 2024-cü il filminin rejissor kürsüsündə Karrie Crouse və William Joines əyləşib, əsas rolları isə Nathan Gariety, Paris Jones, Joanne Marie və Kira Jones canlandırıb.