Freaks

Yeddiyaşlı Kloi bütün vaxtını atasının qoyduğu sərt qadağalar altında, evdən bayıra çıxmadan keçirir. Tənha ata qızını kənar insanlardan və digər uşaqlardan uzaq tutur, çöl dünyasının ölümcül təhlükələrlə dolu olduğunu iddia edir. Tənhalığa öyrəşən uşaq vaxtını öz təxəyyülü ilə doldurur və bəzən qaranlıq künclərdə kabus gördüyünü düşünür.

Bir gün dondurma almaq həvəsi qorxulara üstün gəlir və Kloi nəhayət küçəyə addım atır. Burada qoca dondurmaçı ilə tanış olan qızcığaz atasının qorxunc xəbərdarlıqlarının həqiqətə uyğun olmadığını fərq etməyə başlayır.

ABŞ və Kanada istehsalı olan «Freaks» fantastik dram filmi 2018-ci ildə ekranlara çıxıb. Ekran əsərinin rejissorları Zak Lipovski və Adam B. Steyndir, əsas rolları isə Ris Aleksandr, Mişel Harrison, Aleks Paunoviç və Brüs Dern canlandırıb.