Yaşasın cəhənnəm

Məktəb ekskursiyası əvəzinə iki yuxarı sinif şagirdi həyatlarına son qoymağa qərar verir. Lakin ölüm ayağında onlardan biri öyrənir ki, onların həyatını dözülməz edən sinif yoldaşı Seulda kef içində yaşayır və hətta xaricdə təhsil almağa hazırlaşır.

İntihar fikrini təxirə salan qızlar intiqam almaq üçün həmin şəxsin ardınca paytaxta yollanırlar. Çox keçmədən onu bir protestant təriqətinin sıralarında tapırlar. Lakin keçmiş qisas hədəfi onları sevinclə qarşılayır; məlum olur ki, o, etdiklərinə görə tövbə edib və bağışlanmaq üçün dua edirmiş.

«Yaşasın cəhənnəm» adlı Cənubi Koreya dram filmi 2022-ci ildə ekranlara çıxıb. Ekran əsərinin rejissoru Lim O-conqdur, əsas rolları isə O U-ri, Çon İ-cu, Li Rin-ha və Li Ye-bit canlandırıb.