Canavar ovu

Nolan və Sofi adlı ər-arvad bir müddət meşədə yerləşən daxmada qalmaq qərarına gəlirlər. Kulinariya icmalçısı kimi fəaliyyət göstərən Nolan ov mövzusunda və vəhşi heyvan ətindən hazırlanan yeməklər barədə məqalə yazmaq istəyir. Ərinə bu sahənin ilkin qaydalarını öyrətmək üçün Sofi təcrübəli ovçu olan köhnə dostu Kaylı onlara qoşulmağa dəvət edir.

Qonağın gəlişi münasibətləri qısa zamanda gərginləşdirir, çünki Kaylın Sofiyə qarşı adi dostluqdan daha artıq hisslər bəslədiyi üzə çıxır və bu da Nolanda qısqanclıq yaradır. Səhəri gün Nolan və Kayl meşədə vəhşi canavarla üz-üzə gəldikdə gizli rəqabət həyati mübarizəyə çevrilir. Yırtıcı ilə toqquşmadan yalnız sağ çıxan şəxs daxmaya, Sofinin yanına qayıda biləcək.

«Out Come the Wolves» filmi rejissor Adam Makdonald tərəfindən ABŞ və Kanadanın birgə istehsalı kimi 2024-cü ildə ərsəyə gətirilib. Ekran əsərində baş rolları Missi Pereqrim, Coris Carski və Deymon Runyan canlandırırlar.