Spiderhead

Hadisələr yaxın gələcəkdə, adada qurulmuş qeyri-adi təcridxanada cərəyan edir. Tədqiqatçı Stiv Abnesti könüllü şəkildə sınaqlara qoşulan məhbuslar üzərində insan psixikasına təsir edən xüsusi preparatları yoxlayır.

Ceff adlı məhbusa süni məhəbbət hissi oyadan maddə dəfələrlə yeridilib. Buna baxmayaraq, digər məhbus Lizziyə qarşı yaranan duyğuların dərman təsiri və ya həqiqi hisslər olduğunu ayırd etmək çətinləşir.

ABŞ istehsalı olan «Spiderhead» filmi 2022-ci ildə rejissor Cozef Kosinski tərəfindən çəkilib. Elmi-fantastik dramın əsas rollarını Kris Hemsvort, Maylz Teller, Eşli Lourens və Debbi Devis canlandırıblar.