İnanılmaz həqiqət

Vaxtından əvvəl azadlığa buraxılan Coş Hetton başqa gedəcək yeri olmadığı üçün doğma məhəlləsinə qayıdır. Yerli sakinlər onun törətdiyi cinayət barədə müxtəlif şayiələr danışırlar. Sevgilisinin ölümü və qızın atası ilə dava ucbatından həbsə düşməsi Coşun yaddaşından silinmir və ona normal həyata başlamağa mane olur.

Tezliklə qəhrəmanın yolu yuxarı sinif şagirdi Odri Hüqo ilə kəsişir. Odrinin avtotəmir sexi sahibi olan atası Coşu bacarıqlı usta kimi işə götürür. Çox keçmədən keçmiş məhbus ilə gənc qız arasında qarşılıqlı maraq yaranır.

ABŞ istehsalı olan «The Unbelievable Truth» filmi dram, komediya və melodram janrlarını birləşdirir. 1989-cu ildə çəkilən ekran əsərinin rejissoru Hel Hartlidir. Əsas obrazları Cef Hovard, Kris Kuk, İdi Falko və Qeri Soer canlandırıblar.