Boy

On bir yaşlı baş qəhrəmanı hamı sadəcə Boy deyə çağırır. Anasının vəfatından sonra o, nənəsi, kiçik qardaşı Rokki və çoxsaylı kiçik qohumları ilə birgə yaşayır. Günlərin birində nənə evdən getdikdə, uşaqların atası iki dostu ilə birlikdə qəfildən qapıda peyda olur.

Oğlan əvvəlcə atasını qəhrəman kimi görür və onun gəlişinə böyük sevinclə yanaşır. Lakin birgə keçirdikləri vaxt reallığı üzə çıxarır və uşağın heyranlığı tədricən dərin məyusluqla əvəzlənir.

Komediya və dram janrında çəkilmiş «Boy» filminin rejissoru Taika Vaytitidir. 2010-cu ildə Yeni Zelandiyada lentə alınan ekran əsərində baş rolları Darsi Rey Flevell Hadson, Koen Hollouey, Waimihi Hotere və Nqapaki Emeri canlandırıb.