Çərpələng uçuran

Əmir Kabilin zəngin ailələrindən birində böyüyür, Həsən isə onun evində nökər kimi xidmət edir. Sosial təbəqələri fərqli olsa da, bu iki uşaq körpəlikdən etibarən bütün vaxtlarını bir yerdə keçirirlər. Həsən gənc ağasına canı ilə bağlı olsa da, Əmir heç vaxt onu açıq şəkildə öz dostu adlandırmır.

Kabil uşaqlarının ən sevimli əyləncəsi sayılan çərpələng döyüşləri onların taleyində dönüş nöqtəsinə çevrilir. Həmin yarış günü baş verənlər münasibətləri qırır, ardınca gələn sovet qoşunlarının müdaxiləsi və taliblərin hakimiyyəti isə hər iki oğlanı göyə buraxılmış çərpələnglər kimi dünyanın müxtəlif tərəflərinə sovurur.

«The Kite Runner» dram filmi 2007-ci ildə rejissor Mark Forster tərəfindən Xalid Hüseyninin romanı əsasında lentə alınıb. ABŞ, Böyük Britaniya və Çin istehsalı olan layihədə əsas obrazları Xalid Abdalla, Zəkəriyyə İbrahimi, Əhməd Xan Mahmizadə və Əli Dineş canlandırıblar.