Sticks & Stones

Coi, Buk və Maut adlı üç yeniyetmə dost hər gün yuxarı sinif şagirdinin qısnamalarına və təzyiqlərinə dözmək məcburiyyətində qalır. Coinin vəziyyəti xüsusilə ağırdır, çünki o, yalnız məktəbdə deyil, evdə də doğma böyük qardaşının zorakılığı ilə üzləşir. Belə mühitdə zorakılıq yeni zorakılığı doğurur və uşaqlar daimi qorxu içində böyüyür.

Bitmək bilməyən alçalmalar dostların səbrini daşırır və onlar bu duruma son qoymaq üçün bir yol axtarmağa başlayırlar. Nəhayət, təzyiqlərdən qurtulmağın çarəsini tapsalar da, atılan bu addımın gətirəcəyi nəticələr yeniyetmələr üçün çox baha başa gəlir.

ABŞ istehsalı olan dram janrlı «Sticks & Stones» filmini 1996-cı ildə rejissor Nil Tolkin çəkib. Ekran əsərinin əsas rollarını Cordan Brouer, Liza Aykxorn, Qeri Byuzi və Maykl Şamus Uaylz canlandırıblar.