Müqəddəs Ralf

On dörd yaşlı Ralf atasını itirdikdən və anasının ağır xəstələnməsindən sonra oğlanlar üçün nəzərdə tutulmuş katolik sığınacağına düşür. Mələk kimi davranışı ilə seçilməyən yeniyetmə burada tezliklə müəllimlərin qəzəbinə tuş gəlir. Yalnız ata Hibbert onda olan fitri idman qabiliyyətini və qaçış istedadını vaxtında görə bilir.

Həkimlər anasının sağalması üçün yalnız bir möcüzənin kömək edə biləcəyini deyəndə, gənc qəhrəman bu möcüzəni özü yaratmaq qərarına gəlir. O, nəyin bahasına olursa-olsun məşhur Boston marafonunda qalib gəlməyi qarşısına məqsəd qoyur.

«Müqəddəs Ralf» (Saint Ralph) adlı Kanada istehsalı olan bu idman dramı və komediyası 2004-cü ildə rejissor Maykl MakQoun tərəfindən çəkilib. Filmdə əsas rolları Rob Smit, Polett Sinkler, Coan Messia və Boyd Benks canlandırıblar.