Malu

Əlli yaşlı teatr aktrisası Malu artıq işsiz qalıb və Rio-de-Janeyronun kənarındakı köhnə evində keçmiş şöhrətinin xatirələri ilə yaşayır. Qadın bu mülkü ictimai mədəniyyət mərkəzinə çevirmək arzusundadır. Lakin onun bu planları mühafizəkar və dindar anası Lili ilə daim toqquşur, iki qadın arasında tez-tez sərt mübahisələr yaranır.

Anasının qızını yola gətirmək üçün evə keşiş çağırması vəziyyəti daha da pisləşdirir və tərəflər arasında əlbəyaxa dava düşür. Tezliklə Malunun aktrisa olan yetkin qızı Joananın da gəlişi gərginliyi artırır. Bir damın altına yığılan üç fərqli nəslin qadınları köhnə inciklikləri və aralarındakı ziddiyyətləri yenidən üzə çıxarırlar.

2024-cü ildə ekranlara çıxan «Malu» dram filmi Braziliya istehsalıdır. Ekran əsərinin rejissoru Pedro Frayrdır, əsas rolları isə Yara di Novaes, Juliana Karneyro da Kunya, Karol Duarte və Átila Bee canlandırıb.