Oyundan kənar

Kolinin həyatda ən yaxşı bacardığı yeganə iş darts oynamaqdır. Hədəf lövhəsi qarşısında ona çatan olmasa da, qalan məsələlərdə işləri heç cür yolunda getmir. Həyat yoldaşı Sandra isə ərinin işdə olmasından istifadə edərək ona xəyanət edir. Nəhayət, qadın yerli darts komandasının kapitanı Ceff ilə birlikdə Blekpulda keçirilən yarışlara qaçır.

Belə vəziyyətdə tək qalan ər sevgilisini geri qaytarmaq məqsədilə onların ardınca yola düşür. İrəlidə onu Ceff və Ron kimi tiplərin əyləndiyi, «şimalın Las-Veqası» adlanan qarmaqarışıq bir şəhər gözləyir.

2002-ci ildə çəkilmiş «Heartlands» filminin rejissoru Demien O'Donnell-dir. Böyük Britaniya və ABŞ istehsalı olan bu dram və komediya janrlı ekran əsərində baş rolları Maykl Şin, Mark Eddi, Cim Karter və Seliya İvri canlandırıblar.