Fitoor

Yeniyetmə Nur şəhərin ən varlı qadını olan Bəyimin diqqətini cəlb edir. Çox keçmədən oğlan onun qızı Firdövsə aşiq olur. Uşaqlıqdan ürəkləri qırmağa alışdırılan bu qız tamam fərqli bir təbəqəyə mənsub olsa da, Nurun ona bəslədiyi güclü bağlılıq azalmır.

İllər sonra gənc rəssamlıq sənətində uğur qazanmaq üçün doğma yerləri tərk edib Dehliyə yollanır. Onun əsas arzusu Firdövsün mənsub olduğu yüksək cəmiyyətə qəbul edilmək və qızın sevgisini qazanmaqdır. Həmin ərəfədə isə Bəyim öz intiqam planını həyata keçirməyə hazırlaşır.

Hindistan istehsalı olan «Fitoor» filmi 2016-cı ildə rejissor Abhişek Kapur tərəfindən lentə alınıb. Melodram janrındakı ekran əsərində baş rolları Aditya Roy Kapur, Katrina Kaif, Tabu və Rahul Bhat canlandırıblar.