Lamhe

Hindistandakı mülkünə ilk dəfə qədəm qoyan Viren qonşuluqda yaşayan Pallavi ilə tanış olur və ona vurulur. Lakin gənc qadının başqa bir nişanlısı var və tezliklə onunla ailə qurur. Bu evlilik uzun sürmür: əri həlak olur, körpə qızını dünyaya gətirən Pallavi özü də dünyasını dəyişir. Londonda yaşayan Viren keçmiş hisslərinin xatirinə uşağın qəyyumluğunu öz üzərinə götürür.

İllər sonra onlar yenidən üz-üzə gələndə bəlli olur ki, böyüyən Pudca zahirən anasının eynisidir. Tale elə gətirir ki, qız himayədarına qarşı sevgi bəsləməyə başlayır. Viren bu hisslərdən uzaq durmağa çalışsa da, Pudcanın ərköyünlükləri, gənclik enerjisi və sədaqəti onun qəlbinə yol tapır.

Hindistan istehsalı olan «Lamhe» filmi 1991-ci ildə ekranlara çıxıb, dram və musiqili melodram janrlarını birləşdirir. Ekran əsərinin quruluşçu rejissoru Yaş Çopradır, baş rolları isə Şridevi, Anil Kapur, Anupam Kher və Vahida Rəhman ifa ediblər.