Kid Snou

1971-ci ildə Avstraliyanın ucqar bölgələrində çadır döyüşləri təşkil edən səyyar bir truppa fəaliyyət göstərir. İrlandiyalı boksçu Kid Snou qardaşı Rori ilə birlikdə bu şoularda rinqə çıxaraq dolanışığını təmin edir. On il əvvəl aldığı ağır məğlubiyyət və ardınca baş verən faciə onun peşəkar karyerasına birdəfəlik son qoyub.

Köhnə rəqibi ilə revanş qarşılaşması təklifi gələndə boksçunun qarşısında yeni bir seçim yaranır. Eyni ərəfədə Sidneydən qaçmış tək ana Sanni də onların komandasına qoşulur. Bu qadınla tanışlıq və yaxınlaşan döyüş Kidi qardaşı ilə olan mürəkkəb münasibətlərini yenidən nəzərdən keçirməyə və rinqdən kənar bir həyat haqqında düşünməyə sövq edir.

Avstraliya istehsalı olan «Kid Snow» dram filmi 2024-cü ildə rejissor Pol Qoldman tərəfindən çəkilib. Ekran əsərində baş rolları Billi Houl, Fibi Tonkin, Tom Beytman və Mark Koulz Smit canlandırır.