Berlin üzərində qəza

Göyərtəsində doxsan sərnişin olan təyyarə idarəetməni itirərək Almaniya səmasında sürətlə hündürlüyü azaltmağa başlayır. İdarəolunmaz vəziyyətə düşən hava gəmisi birbaşa Berlin istiqamətinə yönəlir və həm göyərtədəki insanlar, həm də paytaxt sakinləri üçün ciddi təhlükə yaradır.

Kapitan Vinkler və onun köməkçisi Niklas Sedlajek aralarındakı fikir ayrılıqlarını kənara qoymaq məcburiyyətində qalırlar. Pilotlar çarəsiz qalan sərnişinləri və şəhərdə xəbərsiz yaşayan insanları labüd fəlakətdən qurtarmaq üçün birlikdə çıxış yolu axtarırlar.

Almaniya istehsalı olan «Crashpoint - 90 Minuten bis zum Absturz» dram filmi 2009-cu ildə rejissor Tomas Yaux tərəfindən çəkilib. Ekran əsərində əsas rolları Peter Haber, Maksimilian fon Pufendorf, Bernadetta Xeervagen və Yuliya Xartman canlandırırlar.