Sığınacaq

Parisli gənclər Müs və Lui dəbdəbəli mənzildə günlərini eşq və narkotik maddələrin təsiri altında keçirirlər. Lakin bu qayğısız həyat faciə ilə başa çatır: Lui artıq dozadan dünyasını dəyişir. Sevdiyi insanı itirən Müs ağır günlər yaşayır və çox keçmədən hamilə olduğunu öyrənir.

Başına gələn fəlakətlərdən uzaqlaşmaq istəyən gənc qadın gözdən uzaq, tənha bir evə sığınır. O, burada tək qalaraq sakitlik tapacağına ümid edir. Lakin gözlənilməz bir qonağın gəlişi onun qurduğu dinc guşənin sükutunu pozur.

«Le refuge» («Sığınacaq») dram filmi 2009-cu ildə Fransada rejissor Fransua Ozon tərəfindən çəkilib. Ekran əsərində rolları Emil Berlinq, Dominik Jake, Jan-Pyer Andreani və Moris Antoni canlandırıblar.