Ən Yaxşı Hitlər

Sevgilisi Maksın yol qəzasında həlak olmasından sonra Harriyet dərin kədər içində yaşayır. Çox keçmədən o, qəribə bir hadisə ilə üzləşir. Maksla dinlədiyi tanış mahnılar qızı sözün əsl mənasında keçmişə, birlikdə keçirdikləri günlərə qaytarır.

Musiqi sayəsində vaxtı geriyə fırladan Harriyet indiki zamanda Devid adlı gənclə tanış olur. O da yaxın birini itirdiyi üçün Harriyeti çox yaxşı başa düşür. Onlar arasında yeni hisslər yaransa da, qız keçmiş sevgilisinin xatirəsini və geriyə dönmək fürsətini asanlıqla buraxa bilmir.

ABŞ istehsalı olan fantastik «The Greatest Hits» filmi 2024-cü ildə rejissor Ned Benson tərəfindən çəkilib. Ekran əsərində baş rolları Lüsi Boynton, Castin H. Min, Evan Şafran və Mark Valera canlandırırlar.