Ölülər gölü

Əkiz qardaşının ölümündən bir il sonra Lillian dostları ilə birlikdə göl kənarında yerləşən meşə evinə qayıtmaq qərarına gəlir. Doğma məkana gəliş kədərli xatirələrlə yanaşı, ilk günlərdən etibarən gərgin anlar da gətirir.

Qısa müddət sonra gənc qızı qorxunc görüntülər narahat etməyə başlayır və tədricən digər dostlar da ətrafda qəribə hadisələrin cərəyan etdiyini anlayırlar. Üstəlik, yerli əfsanələrə görə, bu sirli göl insanları dəli etmək gücünə malikdir.

2019-cu ildə ekranlara çıxan Norveç istehsalı «De dødes tjern» filminin rejissoru Nini Bull Robsamdır. Dəhşət və dram janrındakı ekran əsərində əsas obrazları Ulrik fon der Eş, Elias Munk, Conatan Harboe və Patrik Uolş MakBrayd canlandırıblar.