Sentyabr macərası

Pianoçu Marianna Stüart və iş adamı Devid Lourens Nyu-Yorkdan Romaya uçan təyyarədə təsadüfən tanış olurlar. Mühərrikdə yaranan nasazlıq səbəbindən hava gəmisi Neapolda məcburi eniş etməli olur. Şəhərdə gəzintiyə çıxan qəhrəmanlar arasında hisslər yaranır və onlar səyahəti yarımçıq saxlayaraq burada bir neçə gün qalmağa qərar verirlər.

Çox keçmədən onların minmədikləri həmin təyyarənin qəzaya uğradığı və sərnişinlərin hamısının həlak olduğu barədə xəbər yayılır. Rəsmi sənədlərdə ölmüş hesab edildiklərini anlayan Marianna və Devid bu fürsətdən yararlanmaq istəyirlər. Cütlük keçmişi geridə qoyaraq yeni və gizli bir həyata başlamaq qərarına gəlir.

1950-ci ildə ABŞ-da istehsal olunmuş «Sentyabr macərası» («September Affair») romantik dramının rejissoru Uilyam Diterledir. Filmdə əsas rolları Coan Fonteyn, Cozef Kotten, Fransuaza Roze və Cessika Tendi canlandırıblar.