Daş xəstəliyi

Ötən əsrin ortalarında Fransanın cənub kəndlərində müharibədən sonrakı çətin dövr hökm sürür. Gənc Qabriella böyük və səmimi bir sevgi axtarışındadır, lakin ailəsi və qonşuları onun bu arzusunu qəbuledilməz çılğınlıq sayır. Valideynləri qızlarını sakitləşdirmək ümidi ilə onu sevmədiyi bir adama ərə verirlər. Həyat yoldaşı xeyirxah və qayğıkeş olsa da, bu nikah qadın üçün darıxdırıcı bir zindandan fərqlənmir.

Səhhətində yaranan problemlər səbəbindən sanatoriyaya göndərilən Qabriella orada Hind-Çin müharibəsində yaralanmış hərbçi Andre ilə qarşılaşır. Bir-birinə bağlanan bu iki insan reallıqdan uzaqlaşaraq öz aralarındakı hisslərə sığınmağı və birlikdə qaçmağı planlaşdırır.

«Mal de pierres» filmi Nikol Qarsiya tərəfindən ekranlaşdırılıb. 2016-cı ildə Fransa, Belçika, İspaniya və Kanadanın birgə istehsalı kimi təqdim olunan melodramda baş rolları Marion Kotiyyar, Lui Qarrel, Aleks Brendemül və Brijit Royuan canlandırıb.