Daşın fəryadı

Gənc idmançı Martin iki il ardıcıl olaraq qapalı məkanda süni divara dırmaşmaq üzrə televiziya şousunda qalib gəlib. Onun qarşısına çıxan Roçça isə dünya səviyyəli peşəkar alpinistdir. Təcrübəli idmançı bu gənci sadəcə akrobat hesab edir və onun bacarığına ciddi yanaşmır.

Roçça gəncin təklifini qəbul edərək Argentinadakı ən mürəkkəb zirvələrdən sayılan Serro-Torreyə qalxmağa razılaşır. Pataqoniyanın bu sıldırım iynəvari qayasına Roçça artıq iki dəfə qalxmağa cəhd göstərib. İki rəqib, onları müşayiət edən jurnalist və digər həmkarları ilə birlikdə əlverişli hava şəraitini gözləmək üçün Argentinaya toplaşır.

«Daşın fəryadı» (Cerro Torre: Schrei aus Stein) dram filmi 1991-ci ildə rejissor Verner Hersoq tərəfindən çəkilib. Layihə Böyük Britaniya, Kanada, Argentina, Almaniya, Fransa, İtaliya və CAR tərəfindən birgə istehsal olunub, baş rolları Vittorio Metssocorno, Donald Sazerlend, Matilda May və Stefan Qlovaç canlandırıb.