Fransuaza, yaxud ailə həyatı

«Françoise ou La vie conjugale» filmi eyni ailənin hekayəsini hər iki tərəfin baxış bucağından təqdim edir. Ekran əsəri iki hissəyə ayrılır: burada baş verən hadisələr əvvəlcə ərin, yəni Jan-Markın, daha sonra isə həyat yoldaşı Fransuazanın gözü ilə canlandırılır.

Eyni ailəvi anlar hər iki qəhrəmanın təfsirində fərqli məna kəsb edir. Hər kəsin özünəməxsus həqiqəti olduğu üçün tərəflərin yaşadıqları hadisələrə verdiyi qiymət və baxışlar da bir-birindən xeyli fərqlənir.

1964-cü il istehsalı olan bu dram Fransa, İtaliya və AFR-in birgə layihəsidir. Filmin quruluşçu rejissoru Andre Kayatdır, əsas rolları isə Mari-Joze Nat, Jak Şarrye, Mişel Sübor və Maşa Meril canlandırıblar.