Ölümümdə Klava K.-nı Günahlandırmağınızı Xahiş Edirəm

Seryoja dörd yaşında ikən Klavanı gördü və ona bağlandı. O, qızın könlünü almaq üçün evdən rəngli qələmlər, flomasterlər və hətta barometr daşıyır, onu «Mir» kafesində dondurmaya qonaq edir, xəstələnəndə yanına qaçırdı. Ətrafındakı başqa heç bir qız onun diqqətini çəkmirdi.

On beş yaşına çatanda isə gəncin dünyası alt-üst olur. Klava başqa bir oğlana aşiq olur və Seryoja ilk dəfə xəyanət hissi ilə üzləşir. Yaşadığı bu ağır zərbəyə dözə bilməyən gənc oğlan öz həyatına son qoymaq qərarına gəlir.

«В моей смерти прошу винить Клаву К.» adlı sovet melodram filmi 1979-cu ildə çəkilib. Ekran əsərinin quruluşçu rejissorları Nikolay Lebedev və Ernest Yasan, baş rolların ifaçıları isə Vladimir Şevelkov, Nadejda Qorşkova, Yelena Xopşonosova və Olqa Ozeretskovskayadır.