Bad Boy

Tənbəl və heç bir qayda tanımayan Raqhu günlərini vecsiz şəkildə keçirir. Günlərin birində o, mühafizəkar ailədə böyümüş tərbiyəli və məsuliyyətli Rituya aşiq olur. Bu gözlənilməz hisslər gəncin əvvəlki həyat tərzini tamamilə dəyişir.

Lakin onların arasında ciddi bir maneə var. Qızın ailəsi ənənələrə bağlıdır və qızlarının yanında yalnız ciddi, etibarlı bir insan görmək istəyir. Təbiətcə sərbəst olan baş qəhrəman sevdiyi qızın qohumlarının sərt qaydaları və tələbləri ilə üz-üzə qalır.

Hindistan istehsalı olan «Bad Boy» filmi 2023-cü ildə işıq üzü görüb. Ekran işinin rejissorları Rac Kumar Santoşi və Nallibilli Venkateshdir, əsas rolları isə Namaşi Çakraborti, Əmrin Qureşi, Darşan Carivala və Conni Lever canlandırıb.