Venera nişanəsi

Əyalətdən gələn Çezira qohumlarının evində məskunlaşıb idarədə makinaçı işləyir. O, asudə vaxtını xalası qızı ilə birgə keçirir və qızların hər ikisi ailə qurmaq arzusundadır. Falçı qadın Çeziraya bildirir ki, həyatında Venera dövrü başlayıb və bu ərəfədə qarşısına mütləq yaxşı namizəd çıxacaq.

Bu sözlərə inanan qız bəxtini sınamağa və yeni insanlarla ünsiyyət qurmağa cəhd edir. Lakin Çeziranın tanış olduğu bütün kişilər onun gözəl qohumunu görən kimi dərhal diqqətlərini ona yönəldirlər.

«Venera nişanəsi» (Il segno di Venere) filmi 1955-ci ildə İtaliyada rejissor Dino Rizi tərəfindən çəkilib. Ekran əsərində baş rolları Franka Valeri, Sofi Loren, Vittorio De Sika və Raf Vallone canlandırıblar.