Gənc Çin: Mən və gəncliyim

«Zhong guo qing nian: wo he wo de qing chun» tarixi dram filmi müxtəlif dövrlərdə yaşamış çinli gənclərin həyatından bəhs edən üç hekayəni bir araya gətirir. İlk hissədə könüllü gənclər ölkənin şimal-şərqindəki çətin təbii şəraitə malik Beydahuan torpaqlarını abadlaşdırmaq üçün yola çıxır və sərt iqlim sınaqları ilə üzləşirlər.

İkinci süjet qərb bölgələrinin inkişafı dövründə cərəyan edir. Universiteti yeni bitirmiş bir gənc Ninsya-Xuey muxtar rayonunun ucqar kəndinə müəllim kimi yollanır və burada uşaq xoru yaradır. Müasir dövrü əks etdirən sonuncu hekayədə isə bir gənc təhsil haqqını ödəyən xeyriyyəçini tapıb ona təşəkkür etmək üçün axtarışa başlayır.

Çin istehsalı olan bu film 2023-cü ildə təqdim edilib. Ekran əsərinin quruluşçu rejissorları Lin Zhenzhao və Zhou Runzedir, əsas rolları isə Zhang Yixing, Wang Yibo, Zhou Dongyu və Deng Chaoyuan canlandırıb.